Американскиот актер и мајстор на боречки вештини Chuck Norris почина на 86-годишна возраст, потврди неговото семејство.
Според информациите објавени од светските агенции, Норис починал на 19 март од „ненадејна смрт“ опкружен од семејството.
Чак Норис беше еден од најпрепознатливите акциони актери, познат по улогите во филмовите од 1980-тите, како и по култната телевизиска серија „Walker, Texas Ranger“, која се емитуваше речиси една деценија.
Пред филмската кариера, тој беше повеќекратен шампион во карате и основач на сопствен стил на боречки вештини. Неговиот имиџ на „непобедлив херој“ подоцна стана дел од поп-културата преку познатите интернет шеги „Chuck Norris facts“.
Веста за неговата смрт предизвика бројни реакции ширум светот. Политичари, актери и јавни личности го опишаа како „легенда“ и симбол на сила, дисциплина и харизма.
Роден во 1940 година, Норис зад себе остави богато филмско наследство и значајно влијание врз акциониот жанр и боречките вештини, со што останува една од највлијателните фигури во модерната поп-култура.
OhridNews
Фото: Скриншот Јутуб
