Александар Самарџиев кој вчера беше претепан од членови на Златна Зора во Солун, им подлегна на повредите пред помалку од два часа, јавува „Македонска нација“, пренесува порталот „Курир“.
Студентот, како што се наведува во информацијата, која се уште не е официјално потврдена, бил претепан со закана да си го промени презимето.Македонецот при нападот се здобил со тешки повреди. Крвнички го претепале претставници на неофашистичката грчка партија.
Закани по живот од Златна Зора добиле и други членови на семејството.
Информацијата за трагичната смрт ја соопштил братот на Александар, кој во моментов е во бегство и се плаши за својот живот.
Инаку Стилјан Самарџиев, братучедот на Александар кој вчера јави за инцидентот, во август годинава на двапати бил приведен од грчката полиција и држен во затвор по неколку дена поради неговите активности и борба за македонската кауза во Грција. Првиот пат бил приведен поради поставување на македонското знаме пред полицијата во Солун, а вториот пат поради најава на социјалните мрежи дека македонското знаме ќе го истакне за време на антимакедонски собир во Солун.
Информацијата за смртта на македонскиот студент во Грција засега не е потврдена од ниту една официјална институција во Грција и Македонија.
OhridNews
извор:„Курир“
