Попладнево ненадејно почина Љупчо Јордановски, поранешен претседател на Собранието на РМ. Јордановски најверојатно починал од мозочен удар, додека бил во болница на посета кај член од семејството. Лекарите повеќе од еден час се обидувале да го реанимираат, но безуспешно.

По повод смртта на д-р Љупчо Јордановски, претседателот на Собранието на Република Македонија, г. Трајко Вељаноски од името на пратениците и од свое лично име упати изрази на длабоко сочувство до членовите на неговото семејство. Се очекува за утре да биде закажана и комеморативна седница во Собранието.

Јордановски, покрај професорската кариера, беше и пратеник и амбасадор во САД на Република Македонија. Од 2007 година е на чело на Партијата на слободни демократи.Оженет е и татко на три деца. Во 1975 станал дипломиран електротехнички инженер на Електротехнички факултет при Загрепскиот универзитет. Докторирал на Универзитетот Јужна Калифорнија во САД во 1985 година.

“извор Макфакс“
Ohridnews