Во организација на Здружението на граѓани Е КУЛ ТУР од Охрид со работа денеска почна Меѓународна летна школа по класична гитара. Во рамки на школата која ќе се работи во просториите на ОМУ “Методи Патче” во Охрид до 8 август, предвидени се дводневни мастер-часови кои ќе ги одржи познатата професорка по класична гитара Стела Митева – Динкова од Бугарија.
-Летната школа по класична гитара е вистинска можност за учесниците да го прошират и надградат своето знаење, одлична прилика да се надминат разни мелодички и технички проблеми односно да постигнат севкупно усовршување. Работејќи со професор од врвен квалитет студентите ќе се здобијат со самодоверба и сигурност неопходна за идни јавни настапи, информираат од Е КУЛ ТУР .
Организаторот на учесниците ќе им додели сертификати, а повеќе детали за школата, како и за програмата заинтересираните можат да се видат на веб-страната од Школата.
