Со настап на полската група групата “2Late” од Варшава, вечерва на Античкиот театар во Охрид, започнува единаесеттото по ред издание на традиционалниот музички фестивал „Балкански музички плоштад“. Веднаш по нив ќе настапи атрактивната грчка група “Balcan Colla” од Солун, Грција, која станува се попопуларна и една од водечките претставници на балканскиот звук во Европа.
Втората фестивалска вечер ќе ја отвори популарниот потругалски пејач на автентичниот музички стил “Фадо” – Марио Моита од Евора, Португалија, а веднаш по него свој целовечерен концерт ќе одржи најголемата македонска фолк ѕвезда – Миле Кузмановски придружуван од тамбурашкиот оркестар ГЕЗМЕ од Куманово, а како гостин на вечерта ќе се појави и популарниот поп пеач Ламбе Алабакоски.
Организатор на фестивалот е продуцентската куќа “Трето Уво”. Концертите започнуваат во 21.30 часот, а влезот е бесплатен.
