Денес почнува новата учебна 2011/2012 година за околу 210.000 основци и 90-ина илјади средношколци.
Во општина Охрид денес во училишните клупи ќе седнат 4.895 основци, од кои 520 првачиња и 2.694 средношколци од кои 625 во прва година.
Како што одлучи министерството за образование, поради топлото време наставата во текот на првите два дена ќе се одвива со скратени часови.
Со предвидените измени на законите за основно и средно образование, оваа година учениците ќе имаат неколку новини во наставата, меѓу кои електронскиот дневник и совети, школи но и казни за родителите чии деца имаат слаб успех или непримерно се однесуваат.
Доколку родителот не одговори на поканата на психолозите и педагозите, може да биде казнет со 200 евра, а ако не се јави на три покани по ред, според новите измени на законите, ќе биде известен Центарот за социјална работа.
Со новите е-дневници, родителите во секој момент ќе можат да ги проверат оценките и присуството на часовите на своето дете.
Воведена е и задолжителна дополнителна настава за децата со послаб успех а и екстерно тестирање на учениците за да се оцени објективноста на наставниците.
Ohridnews
