Одложувањето на стартот на првенството,но и значителното подобрување на временските услови го разбудија “спортскиот“ Охрид од зимскиот сон.
Второлигашот Руфеја во динамичен натпревар го совлада лидерот во косовскиот шампионат Хиси со 2-0, и тоа со головите на Албин и Шакири.
Во второлигшката пријателска пресметка Дрита и Кораб одиграа нерешено 1-1.
Фудбалерите на 11 Октомври допатуваа во Охрид, каде под водство на тренерот Трајче Илиоски ќе реализираат мини подготовки во кои ќе одиграат и неколку пријателски меча.
Денес на терените во Охрид, двојна пријателска програма. Ренова ќе игра против Пелистер, додека 11 Октомври ќе ги одмери силите со косовкиот лидер Хиси.
Охридските лигаши викендов ќе продолжат со тест средбите. Охрид 2004 ќе спарингува со Пелистер, додека Охрид Лоте ќе игра против Металруг.
фото: Александар Ангеловски
