ТППЕ Охрид – Пожарна во текот на вчерашниот ден учествуваше во гаснење на подметнат пожар во с.Злести – с.Белчишта Општина Дебрца. Како што информираат од ТППЕ Охрид поради силината на ветерот пожарот набргу се проширил во блиската шума, а воедно биле загрозени и објекти.
ТППЕ Охрид со три противпожарни возила со 11 пожарникари, сезонски пожарникари, волонтери од Ентузијаст,-Дебрца, шумско стопанство, месно население, за брз временски период го стави пожарот под контрола. И покрај тоа што се инсистираше од повеќе страни за поддршка од воздух, нашите тимови од лице место направија добра проценка и одлучија дека нема потреба да се трошат дополнителни ресурси, додаваат од ТППЕ Охрид.
Пожарот бил целосно изгаснат во текот на вчерашниот ден.
OhridNews
