Во СОСУ „Св. Кирил и Методиј “ изминатиов период интензивно се работеше на подобрување на условите за реализирање на наставната програма.
Во објектот целосно е променет инвентарот и набавена е нова опрема за сите кабинети и училници во кои има нови клупи, столчиња, табли, интерактивни табли,интерактивни панели. Во кабинетите по здравствена струка и во кабинетите по економско –правна и трговска струка набавени се нагледни средства како и нагледни средства за спорт. Вредноста на проектот е 2.096.420,00 денари, информираат од Општина Охрид.
Со финансиска поддршка на Општина Охрид во вредност од 640.959 денари, реконструирани се сите санитарни јазли за ученици и наставници. Набавени се нови компјутери за настава од далечина во вредност од 393.750 денари, поставена е и локална мрежана инсталација (LAN) стабилен оптички интернет во училишната зграда , а вредноста е 267.106.
Во вредност од 1.336.022,00 денари заменета е надворешна столарија на спортска сала и училниците. Во сите простории и спортската сала е извршен молерај. Санирани се оштетените делови од простории,а отстранета е и дотраената ламперија. Поставени се и нови внатрешни врати од училниците. Вредноста на проектот е 417.484,00 денари, стои во соопштението од Општина Охрид.
ЈП „Нискоградба“ работеше на поставување на фекална канализација околу СОСУ „Св. Кирил и Методиј“. Поставени се цевки со дијаметар Ф 200 во должина од 85 метри и 5 шахти. Проектот се реализира со финансиска поддршка на Општина Охрид. Екипи на ЈП „Градски гробишта“ работеа на оградување на училишниот двор.
OhridNews
