Согласно одлуката на Регулаторната комисија за енергетика, од ноќеска на полноќ, се намалуваат малопродажните цени на бензините за 1,50 денар. Дизелот, пак, поевтинува за половина денар.
Малопродажната цена на ЕУРОСУПЕР БС-98 се намалува за 1,50 денар за литар на 73,50 денари. ЕУРОСУПЕР БС-95 поевтинува за еден денар и од ноќеска на полноќ ќе се точи за 72 денари по литар. Малопродажната цена на ЕУРОДИЗЕЛ (Д-Е V) се намалува за половина денар и новата цена е 62 денари за литар. Екстра лесно маслото за домаќинство поевтинува за половина денар на 50,50 денари за литар.
Малопродажната цена на мазутот М-1 НС се намалува за 1,816 денари и со тоа цената од полноќ ќе изнесува 33,019 денари за килограм.
OhrdNews
