Цените на бензините и на дизел горивото од ноќеска на полноќ се намалуваат за два денара по литар.
Според одлуката на Регулаторната комисија за енергетика новата малопродажна цена на Еуросупер БС-95 и на Ултра 95+ ќе изнесува 76,50 денари за литар, Еуросупер БС-98 и Ултра 100С ќе се продава за 78, Еуродизел (Д-Е В) за 68,50 денари, додека Биодизелот БС Б8 ќе чини 69,50 денари за литар.
За 1,5 денари се намалува и малопродажната цена на Екстра лесното масло за домаќинство (ЕЛ-1) кое сега ќе чини 57,50 денари за литар. За 1,078 денари за килограм се намалува и малопродажната цена на мазутот М-1 НС кој од полноќ ќе се продава за 39,457 денари за килограм.
OhridNews
