Генералниот менаџер на Јувентус, Фабио Паратичи, ја исклучил можноста Пол Погба да се врати во клубот. Погба наводно сака да го напушти Манчестер јунајтед и не би имал ништо против да се врати во Јувентус, но од Торино ги отфрлија овие наводи.
- Многу го сакаме Погба, имаме некаква врска со него, но никогаш не сме размислувале да го вратиме. Воопшто не е во нашите планови. – изјавил Паратичи и дополнил. – Сергеј Милинковиќ-Савиќ? Извонреден фудбалер, но јас ви гарантирам дека немаше никакви преговори, ниту со него, ниту со неговиот тим.
Потоа тој проговорил и за Кристијано Роналдо и ситуацијата во која се најде Португалецот после обвинувањата за силување.
- Кристијано е најдобриот играч во историјата на фудбалот, очигледно е дека многу работи се сменија во Мадрид по неговото заминување. Тој е голем професионалец и сега ја има нашата целосна поддршка. – порачал Паратичи.
OhridNews