Помалку заболени од грип за разлика од претходната недела, но сеуште е висока активност во Охрид, покажуваат податоците на Институтот за јавно здравје (ИЈЗ).
Во текот на третата недела од 2026 година (12.01-18.01.2026) во ЦЈЗ Охрид се пријавени 142 случаи, за разлика од претходната кога беа пријавени 202.
Сепак во четири ЦЈЗ/ПЕ (Дебар, Охрид, Свети Николе и Кавадарци) се бележи многу висока активност, во три (Кратово, Штип и Виница) – висока активност, средна активност се регистрира во единаесет ЦЈЗ/ПЕ, во девет се бележи сезонска активност, додека во две единици се бележи многу ниска активност на вирусот на грип, велат од ИЈЗ.
На ниво на држава во овој период пријавени се 2 062 случаи на групни пријави за заболени од грип/заболувања слични на грип, 11,2% помалку во споредба со претходната недела. Бројот на пријавени лица оваа недела споредено со третата недела од минатата сезона е зголемен за 46,0%, а во споредба со бројот за третата недела од типичната епидемиска крива намален е за 6,9%.
Во однос на возрасната дистрибуција, 1.274 лица се на возраст од 15-64 години, 279 – деца на возраст од 0-4 години, 266 се лица на возраст над 65 години и 243 се деца на возраст од 5-14 години. Највисока инциденца се регистрира кај децата на возраст од 0-4 години.
OhridNews
