Ни сме нови луѓе, кои носат нова политика, ново сфаќање за политиката на новото време. Нас власта ни е потребна само како средство да ги реализираме сите наши идеи, а во оваа кампања покажавме кој има идеи, кој има визии, конкретни проекти, истакна на завршнта прес конференција кандидатот за градоначалник на Охрид од НСДП, Ацо Попоски.–Ние не говоревме дека пред нас ништо не чинело и не постоело, односно дека животот во Охрид почнува од нас. Ние само сакаме да го смениме начинот на размислување дека среќата е во наши раце. Тоа го сфатија луѓето кои се покрај мене во тимот за Охрид. Ние не размислуваме од денес за утре, ние имаме визија. Ние не сакаме хемиско чистење или крпење на оделата – ние сакаме ново одело за Охрид. Ние не се помирување со преживување, туку сакаме да се живее достоинствено како цел нормален свет – рече Попоски.
Кандидатот за градоначалник на НСДП, рече дека Охрид нема повеќе време за губење и не смее да изгуби уште 4 години во чекање државата да се организира, па дури после тоа да се организира градот.
–Нашата судбина мора да ја земем во нашите раце, да направиме Охрид да стане организиран град во сите сегменти, додаде Попоски.
Ацо Попоски искажа благодарност до медиумите, за како што рече, „професионално извршената работа во текот на оваа кампања, со што дадовте придонес овие избори да бидат фер и чесни“.
Ohridnews
