Телекомуникацискиот оператор ОНЕ од денеска почнува со реализацијата на вториот дел од процесот на дигитализација согласно барањето од Агенцијата за електронски комуникации, пренесува „Макфакс’.
Процесот се состои во ослободување на фреквенциите од дигиталната дивиденда намената за 4Г технологијата во Македонија.
Заради спроведување на овој сложен процес, во периодот од 10 јуни 2013 до 1 септември 2013 ќе се врши оптимизација на ДВБ-Т предавателните локации на ОНЕ заради усогласување на фреквенциите.
При процесот можни се прекини во програмата во одредени региони за што, како што соопштуваат од ОНЕ, благовремено ќе информираат.
OhridNews
