Како што утрово информираат од АМСМ, поради снежните наноси на коловозите забрана за сообраќај на тешки товарни возила има на патните правци Дебар – Струга, крак Маврово-Дебар и на планинските превои Стража и Повова Шапка. Планинскскиот превој Попова Шапка е непрооден и за автобуси. На патниот правец Битола- Нижеполе- Молика задолжителна е употреба на зимска опрема за сите видови на возила. Посебна внимателност се препорачува на патниот правец Дебар – Струга поради можна појава на одрони.
Неопходно е крајно внимателно возење, прилагодена и намалена брзина на движење по лизгавите коловози, и одржување на потребното растојание помеѓу возилата.
Сообраќајот на сите магистрални и регионални патни правци се одвива во зимски услови по влажни коловози, на места со остатоци од кашест снег.
