Потенцијалниот подносител на независна листа за Советници Петрит Хусеин и несудениот кандидат за грaданачалник Демир Далип, информираат дека се откажуваат од намерата да се кандидираат на претстојните локални избори. Како што тврдат во дописот испратен до нашата редакција, тие биле под силен притисок, закани по живот, здравјето и општата безбедност, нивна лична но и на нивните семејства.
-Подолго време предупредуваме дека се врши силен притисок врз Египќаните, како и врз симпатизери на двајцата кандидати, за што во повеќе наврати е побарана и заштита од државните органи. – стои во дописот на Петрит Хусеин и Демир Далип испратен до OhridNews.
Како што истакнаа двајцата претставници на Египќаните, листите ги повлекле од причина што не сакале во оган да го стават својот народ и истиот да го заштитат од криминални групи, кои, како што се наведува во дописот, и биле добро познати на охридската полиција.
-Иако длабоко разочарани од ваквите недемократски постапки заедно со соработниците, сипатизерите и подржувачите и понатаму активно ќе учествуваме во активностите во насока на заштита и остварување на правата на својот народ, а за притисоците ќе бидат известени сите меѓународни организации во земјата, вклучително и ОБСЕ, -се вели во дописот.
