Според податоците на Државниот завод за статистика, индексот на трошоците на животот, мерен преку цените на стоките и на услугите за лична потрошувачка, во август 2012, во однос на јули 2012, бележи зголемување за 1,5 проценти, а во однос на август 2011 зголемување од 3.7 отсто.
Анализирано по главни групи, според намената на потрошувачката, во август 2012, во однос на јули 2012, пораст на индексите е забележан во групите: Домување, вода, електрика, гас и др. горива за 5.9%, Транспорт за 3.8%, Здравје за 1.1%, Храна и безалкохолни пијалаци за 0.8%, Останати стоки и услуги за 0.2% и Ресторани и хотели за 0.1%.
Намалување на индексот на трошоците на животот е забележано во групите: Рекреација и култура за 0.3%, Облека и обувки, Мебел, покуќнина и одржување на покуќнина за 0.2% и Алкохолни пијалаци, тутун за 0.1%.
На ниво од претходниот месец останаа индексите на групите Комуникации и Образование.
OhridNews
