Почетокот од финалниот меч не наговестуваше пораз за ракометарите на Атлетоко Мадрид во финалето откако “јорганџиите“ започнаа фуриозно и створија предност од +4 (5-1).
Барселона полека се консолидираше и од минута во минута ја топеше разликата на Алтетико Мадрид и на полувремето се замина со егал (13-13).
Очајните десет минути во вториот дел Атлетико Мадрид го чинеше златен медал. “Блауграната“ ја користеше секоја грешка, а капак на се беше исклучувањето на тренерот на Атлетико, Талант Душабеав.
До крајот на натпреварот Барселона одигра онолку колку што требаше и заслужено го одбрани трофејот во Асобал Купот.
Капитенот на македонската репрезентација Кирил Лазаров постигна два погодоци и имаше неколку одлични асистенции. Најпрецизен во составот на Атлетико Мадрид беше пивотменот Агинагалде со пет голови.
