Четири порази во исто толку натпревари за македонската женска репрезентација во мечевите во групи на ЕП Б –дивизија за девојки до 20 години.  Поразите од  Португалија ( 72-58), Унгарија (62-51) Бугарија (66-54) и Шведска (87-47) се реален приказ  на целокупната состојбата  во македонската женска кошарка.

–    Жалосно е што женската кошрака е падната на ова ниво, сето тоа е одраз на состојбите во македонските клубови. Во градовите низ Македонија, слаб односно никаков е интересот на бизнис секторот за вложување во клубовите, години наназад нема посериозни вложувања, а ретко кој клуб може да излезе со годишен план во кој ќе може да ја помине цела сезона – велат домашните експерти.

Дополнителен проблем според нив е и подготвеноста на македонските селекторите, кои ја водат селекцијата. Неколку години наназад се експериментира со изборот на селектори. Селекторот Лидија Милкова која важи за одличен играч, нема никаво тренерско искуство, а притоа  нема никакво познавање со состојбите во клубовите.  Ниту нејзнииот помошник Ана Јованоска речи си да нема реална слика за односот во клубовите, прашање е колку можеме да си дозволиме вакви авантури , коментираат тие.

Никој не поднесува одговорност за ваквите порази, а ниту пак од МКФ не се нешто потресени по серијата вакви порази. Во Охрид се добива впечаток дека малку се работи за афирмацијата на женската кошарка во Македнија, туку повеќе е умилкување на челниците на ФИБА за доделување на вакви шампионати.

– Средствата не се насочуваат за развојот на женската кошарка и тие не доаѓаат до клубовите, мал исчекор напред е направен во изгледот на нашите девојки, кои пред  две години тренираа во маички кои сами си ги обезбедуваа,  додека годинава националниот тим заличи на нешто, па така девојките се униформирани, и на тренинг и на прошетките низ градот – велат познавачите на состојбите во македонската женска кошарка.

Македонија до крајот на шампионатот ќе има можност да ја поправи сликата во мечевите за пласман од 9 до 11 место. На шампионатот пред две години во Охрид настапот го завршивме без победа, додека лани во Кавадарци забележавме една победа над Австрија.

M.П.