Со цел безбедно и непречено одвивање на манифестациите по повод верскиот празник Богојавление-Водици, Секторот за внатрешни работи Охрид презема неопходни безбедносни мерки на превентивен и оперативен план.
Мерките на СВР Охрид ќе бидат насочени за зачувување на стабилната безбедносна состојба на целото подрачје во областа на јавниот ред и мир, за спречување на казнени дела и регулирање на сообраќајот, вели порпаролот на охридската полиција Стефан Димовски.
-Денес, полициската станица за безбедност во патниот сообраќај, во Охрид ќе врши известување до сопствениците на патнички и други моторни возила за дислокација на возилата од паркинг местата на улиците „ Коста Абраш“, „ Цар Самоил“ и кеј „Македонија“ каде е предвидено поставување на возилата со приоритет како и шатори од Црвениот крст со неопходната опрема. Во текот на утрешниот ден, за сообраќај ќе биде затворен булеварот „Македонски просветители“ од пресекот со улицата „Партизанска“ кон кеј „Македонија“ додека сообраќајот на булеварот „Македонски просветители“ целосно ќе се пренасочи кон улицата „Партизанска“. Од 7 часот ќе се врши физичко регулирање на овие сообраќајници но и на регионалниот пат Охрид-Св.Наум кај црквата „Св.Недела“ кај селото Коњско и на магистралниот пат Охрид-Кичево кај селото Оровник.-истакна Димовски.
По повод верскиот празник Богојавление-Водици, полициски службеници ќе вршат обезбедување на манифестациите и во охридските приградски населби но и во останатите градови на подрачјето на СВР Охрид каде се прославува верскиот празник.
OhridNews
Жељко Јоксимовиќ и Зоран Милески го презедоа кумството за Водици во Охрид
