Согласно одлуката на Регулаторната комисија за енергетика, од ноќеска на полноќ, за половина денар поскапуваат бензините, а дизелот и екстра лесното масло за еден денар.

Новата малопродажна цена на Еуросупер БС-95 ќе изнесува 78,50 денари, на Еуросупер БС-98 ќе биде 80 денари за литар. Еуродизелот ќе се продава по 70,50 денари, а екстра лесното масло за домаќинство 59 денари за литар.

Малопродажната цена на мазутот М-1 НС се намалува и ќе изнесува  40,535 денари за килограм.

OhridNews