Согласно одлуката на Регулаторната комисија за енергетика, од ноќеска на полноќ, се зголемуваат цените на бензините и на дизел горивото за денар до денар и половина по литар.
Малопродажната цена на ЕУРОСУПЕР БС-95 се зголемува за еден денар по литар и ќе чини 85 денари, додека ЕУРОСУПЕР БС-98 поскапува за 1,5 денари и ќе се продава за 87 денари за литар. Цената на ЕУРОДИЗЕЛ (Д-Е В) се зголемува за денар по литар и ќе изнесува 72,5 денари, а Екстра лесното масло за домаќинство (ЕЛ-1) ќе поскапи за половина денар по литар и ќе се продава за 61 денар по литар.
Со одлуката на РКЕ за 0,675 денари за килограм се зголемува и малопродажната цена на мазутот М-1 НС кој сега ќе се продава за 43,603 денари за килограм.
OhridNews
