Mеморандум за пријателство и соработка потпишаа градоначалникот на Општина Охрид, Кирил Пецаков и градоначалникот на хрватскиот град Пула, Филип Зоричиќ, денеска во Пула.
Со меморандумот, како што информира градоначалникот Пецаков, се обврзуваат во рамките на можностите и надлежности на соработка во областите на делување на овие две единици на локалната самоуправа, во областа на економијата, културата, образованието, туризмот, науката и истражување, ИТ технологии, младински прашања, здравство и социјална политика, јавни услуги, заштита и зачувување на културното наследство, заштита на природната средина, спорт и други области од заемен интерес.
Ова поврзување со Пула е од особено значење за нас бидејќи ќе имаме можност да ги користиме нивните искуства во изработката и поднесувањето на проекти до Европските фондови, искуствата во надоградувањето на концептот „Паметен град“, развојот на туризмот и други области клучни за нас. Се радувам што бројот на пријатели на Охрид континуирано се зголемува и тоа со искрени пријателства кои резултираат со конкретни соработки. Нашата замисла е да градиме мостови на пријателства и тоа го продолжуваме со идни соработки, вели Пецаков.
OhridNews
