Како што истакна директорката Елизабета Јанкулоска, соработката и поддршката од локланата самоуправа, значи повеќе прекрасни сценски простори, и поуспешна презентација на културното наследство.
– Ќе направиме Охридско лето да работи преку целата година. Заеднички ќе реализираме многу активности за презентација на македонската култура, фестивалот и убавините на градот, изјави Јанкулоска.
Градоначалникот Бакрачевски истакна дека од меморандумот ќе произлезат значајни активности и програма за понатамошната соработка помеѓу Општината и Охридско лето.
-Сакаме да ги дефинираме активностите кои ни претстојат со цел подобра презентација на најголемиот музички настан во Охрид и Македонија. Во изминативе 2,5 месеци со директорот на Охридско лето и со службите на општината имавме состаноци на кои ги дефиниравме начините на соработка и механизмите за имплементација на организацијата, истакна Бакрачески.
Установата и Општината ветија дека наредниот период ќе се стремат да го оправдаат епитетот на градот- најголемиот културен и духовен центар во Македонија.
