Учебникот по Општество за 5-тоо одделение, кој предизвика лавина реакции поради одредени содржини, ќе биде повлечен, од употреба најави министерот за образование Никола Тодоров. На средбата со новинарите, вчера во Скопје, тој истакна дека доколку се остане на досега изнесените забелешки ќе бидат заменети само спорните делови и постапката ќе заврши брзо, додека доколку е потребна поголема корекција препечатувањето на учебникот ќе одземе повеќе време. Тој уште додаде дека доколку бидат утврдени дополнителни пропусти, ќе се бара извинување и одговорност од авторите и рецензентите.
Спорниот учебник во кој во заслужни личности од културата се најдоа водителката Нора Шаќири и актерите и водители Тони Михајловски и Игор Џембазов, а немаше место за ниту еден писател, силно го критикуваше и Друштвото на писателите на Македонија.
Од Министерството за образование објаснуваат дека оспорениот учебник бил најдобар од понудените пет трудови и дека истиот ги минал сите филтри, а позитивно бил оценет и од Националната комисија за образование во која членуваат дваесетина универзитетски професори
OhridNews
