Храбриот охридски пожарникар Ацо Тасески е „Личност на годината во Охрид за 2012 година“ во изборот на редакциското жири на најпосетуваниот интренет портал во Охрид и пошироко „OhridNews“.
Тасески годинава не се штедеше себе си при бројните интервенции. Спасуваше човечки животи од опожарениот Студентски дом и домови на охриѓани зафатени од огнена стихија.
Ова, воедно е признание и за професионалната противпожарна единица од Охрид, која годинава беше на висина на задачата секогаш кога тоа ќе беше потребно.
Признанието „Личност на годината во Охрид за 2012 година“, според гласовите на читателите и обожавателите на „OhridNews“ на фан страната на весникот на „Facebook“, заврши во рацете на познатиот охридски водител Жанко З’ш Голабоски. Тој од неодамна е косопственик на Гинисов рекорд за најдолг радио маратон. Од есенва Жанко е и заштитно лице на „Наша тв“. Основач е на велосипедистиочкиот клуб „З’ш Точак“ кој годинава редеше успеси на државните првенства.
Признанијата на Тасески и Голабоски, ќе им бидат доделени на свеченост што ќе се одржи деновиве.
