Еден осуденик во сојузната држава Охајо, кој имал 218 килограми, се обидувал да го спречи извршувањето на смртната казна тврдејќи дека поради тежината мачно и долго ќе умира. Роналд Пост, кој убил една вработена во хотел пред речиси 30 години, сметал дека поради прекумерната тежина, непристапноста на вените, депресијата и другите проблеми, оние кои ќе му ја извршуваат смртната казна ќе наидат на сериозни проблеми.
Неговите адвокати навеле дека нивниот клиент е толку тежок, што носилата на кои би требало да се постави за егзекуција нема да издржат. Ова не е прв случај во САД осуденик на смртна казна да се бори против истата на основ прекумерна тежина. Судот во 2008 година го отфрлил аргументот на еден двоен убиец кој тврдел дека е премногу дебел за егзекуција со смртоносна инјекција. Прекумерната тежина навистина се покажала како проблем над еден осуденик тежок 120 килограми, бидејќи извршителите два часа барале вена за инјектирање на смртоносната инјекција. Судот во 1994 година пресудил во корист на еден 180 килограми тежок осуденик и одлучил дека е претежок да би бил погубен со бесење, па смртната казна била преименувана во доживотен затвор.
