Натпреварот кој беше борбен и возбудлив, беше отворен по половина час игра кога “сините“ преку Милосавлевиќ дојдоа во предност. Во финишот на првиот дел Илијоски беше соборен во казнетиот простор , а за главниот судија битолчанецот Крстевски тоа беше најстрога казна.
Гостите бурно реагираа на оваа одлука и по неколку минути размислување го напуштија теренот на “Билјанини Извори“.
– Нашиот противник направи крајно неспортски потег напуштајќи го теренот. Според мене пеналот беше “чист“ и заслужен, нашиот напаѓач Илиоски беше соборен во казнетиот простор. Натпреварот се до прекинot беше цврст и двата тима играа максимално ангажирано. – рече стратегот на “зелените “ Тасевски.
Стратегот на Смедерово беше незадоволен од односот на главниот судија Крстевски кој според него во текот на целиот мечи ги иритирал српските фудбалери.
– Од самиот старт тој со својот однос ги иритираше нашите играчи . Имаше низа стартови кои беа оштри но се одлучивме да го играме мечот се до моментот кога беше досуден пенал за Металург. Во овај период не` ние важен резултатот, но срамно е ваков судија кој бил интернационалец вака да го води мечот, посебно судиската организација не смее да го дозволи тоа – рече Драган Ѓорѓевиќ.
Металург утре ќе одигра тест средба со второлигашот Еуромилк, додека в сабота ќе спарингуват со куп освојувачот Тетекс, а во в недела ќе игра со Влазними во Струга.
