Натпреварот помеѓу Охрид Лоте и Локомотива не го дочека својот крај, откако гостите при резултат 1-0 во 85 минута се повлекоа од теренот. Преставникот на Локомотива, Урош Матески се одлучи да ја повлече екипата и по пет минути чекање го извести главниот судија дека нема да го продолжат мечот.
Како причината за напуштањето на теренот гостите го наведоа барањето на докторска легитимација издадена од ФФМ. На лице место беше присутен доктор Јован Гиноски со лиценца за работа издадена од лекарската комора на Р. Македонија и физиотерапевтот Јонче Петан со лиценца од Кошаркарската федерација на Македонија.
Што се однесува до мечот, тој мина во подобра игра на гостите кои не реализираа серија прилки и не најдоа начин да го совладаат “човекот со сто раце“ голманот Капрически кој беше едноставно несовладлив.
Охриѓани до предност стигнаа во 15 минута кога Вељаноски одлично се снајде по додавањето на Јакупи и со одмерен удар по земја го совлада Мустафа. Гостите имаа и бројчана предност од 63 минута кога црвен картон заработи домашниот фудбалер Речкоски по ударот без топка врз Сулиман. Најблизу до израмнување скопјани беа во74 минута преку Додевски, но гредата беше сојузник на охридскиот голман.
Мх.П.
