Студенчишко блато одамна немало толку вода, како во овој период. Формирани се повеќе мали езерца низ блатото кое речиси и да се поврза со Охридското Езеро, од кое со децении го разделува асфалтната патека изградена на потегот од мостот на каналот Студенчишта до Горица.
Дел од оваа патека сега е под вода, па граѓаните од една на друга страна преминуваат преку вреќи со песок.
Надојдената вода отсече и дел од патеката покрај каналот Студенчишта за Билјанини извори, а се поголем е и бројот на потонати кајчиња.
Метеоролозите за денеска најавуваат нови врнежи од дожд, кои можат дополнително да го зголемат водостојот на реките и Охридското Езеро.
OhridNews
