Според професор д-р Цветко Андреески, плановите на Факултетот за туризам и угостителство се во насока на иден развој на туризмот. „Учеството на факултетот во развојот на туризмот како најстара институција од оваа област, е доста значаен. Изготвени се планови и активности кои ги имаме како високообразовна институција . Исто така, спроведени се истражување за активностите кои досега ги имаше нашиот факултет“ – истакна Андреески.
Професорката Славица Јанкоска која говореше за културата, потенцира дека моменталниот развојот на градот претставува урбано задушување. „Како сите активности што ги спроведува унијата на жени на Вмро-Дпмне, целта е да се подигне свеста на луѓето за зачувување на вредностите во нашиот град. Културата е нешто, што треба сите ние како охриѓани да ја почитуваме и да го зачуваме она што ни е останато. Прекумерното градење во градот, претставува урбано задушување на Охрид. “ – потенцира Јанкоска.
Инаку, трибината се одржа вчера во изложбениот салон на Центарот за култура „Григор Прличев“ во Охрид.
