Преку 120 натпреварувачи од пет земји од регионот ќе земат учество на првиот Taekwon-Do ITF турнир – „Охрид ОПЕН 2012 кој по повод јубилејот – 20 години постоење, Интернационалната Taekwon-Do Федерација на Република Македонија се одржува во Охрид.
– Одзивот сигурно ќе беше поголем, но последните случувања на безбедносен план во Македонија, малку ги пореметија нашите планови и неколку клубови го откажаа учеството. Сепак тука со нас во Охрид е Сајан Бат, рускиот мајстор, што за нас преставува огромна чест. Организацки сме презадовлни како сето изгледа, добивме позитивни критики од гостите и тоа ни дава мотив да конкурираме за организација на европско првенство – рече Сашо Попоски од Организациниот Одбор.
Најголемиот дел од средства за организирање го покри охридската локалнаа самоуправа, од охридските натпреварувачи очекуваме солиден настап но и да се закитиме со некоја медаља – додаде Поповски.
– Сите пофалби што се однесува до организацијата на овој турнир. Ние прв пат доаѓаме во Охрид и сме навистина презадоволи. Уште подобро е тоа што веќе и освоивме една златна медаља и тоа во категоријата на млади пионери во дисциплината форми – рече Златко Павловиќ од српскиот Таеквон До клуб “Лозница“
Боите на охридското таеквондо ќе ги бранат клубовите Мастер, Хваранг ИТФ и Хваранг Фист. – После долги 14 години во Охрид, се организира ваков турнир. Нашиот клуб ќе настапи со девет натпреварувачи. Се ` се тоа млади натпреварувачи и за нас најважно е да се натпреваруваме и да се стекнеме со значително искуство – рече Јосифоски Аце од Хваранг Фист.
Борбите ќе траат во текот на целиот ден, а најголемо внимание предизвикува присуството на рускиот мајстор “непобедливиот“ Сајан Бат, петкратен светски шампион кој досега нема изгубено ниту една борба во кариерата.
М.П.
