Премиерот Никола Груевски, денес, оствари средба со охридскиот градоначалник Никола Бакрачески на која се разговараше околу проектите ветени во програмата за работа на општина Охрид, а кои треба да се реализираат со поддршка на Владата.
Како што истакна премиерот Груевски, Владата континуирано ги поддржува напорите на општините за поттикнување на локалниот развој, што се отсликува преку проектите за модернизација на локалните и регионални патишта, поддршка на образованието, преку одвојувањето на финансиски средства за изградба и реконструкција на училишта, но и поддршка и поттикнување на локалниот економски развој.
Градоначалникот Бакрачески, кој го информира премиерот околу надминувањето на проблемите со кои се соочува Охрид, изрази подготвеност за плодна соработка помеѓу општината Охрид и Владата која ќе резултира со реализација на проектите од интерес на ѓраѓаните.
OhridNews
