По повод големиот христијански празник Божиќ, кој верниците од католичката вероисповед го празнуваат утре, Премиерот Никола Груевски упати честитка до д-р Киро Стојанов, Скопски бискуп и Апостолски егзарх во Македонија. Меѓу другото во честитката стои:
,,Во светлото на заедништвото и вербата во Бога, Ви го честитам големиот христијански празник и Ви посакувам светлината и топлината на Божиќ да ги исполнат Вашето срце и срцата на верниците и да Ви донесат многу радост, љубов, благосостојба и среќа во секој дом. Бидете благословени и нека Ви е честит големиот христијански празник ! ‘’
Според Законот за празниците на Република Македонија, првиот ден Божиќ, според Грегоријанскиот календар, е неработен ден за припадниците на католичка вероисповед во Република Македонија.
OhridNews
