Премиерот Христијан Мицкоски денеска ќе изврши увид на градежните активности на делницата од Климештани до Охрид, која е дел од автопатот Кичево – Охрид.
Увидот ќе биде на локацијата кај натпатникот Подмоље, а премиерот ќе биде придружуван од министерот за транспорт Александар Николоски и директорот на ЈП за државни патишта, Коце Трајановски.
Инаку, по направениот увид минатата недела од страна на директорот на ЈП за државни патишта Трајановски, беше посочено дека се работи со полна пареа, се асфалтира на главната траса и пристапните патишта на дел од автопатот во изградба Кичево-Охрид. Покрај асфалтирањето се поставуваше и еластична ограда, се бетонираа плочасти и цевасти пропусти, се уредуваа клучки и натпатници, се поставуваше осветлување.
Очекувањата како што тогаш соопшти Трајановски е дека со оваа динамика на работа за краток период ќе биде пуштена во употреба уште една делница.
Автопатот Охрид-Кичево според најавите целосно треба да биде завршен до крајот на 2026 година.
OhridNews
фото. ЈПДП
