Премиерот Христијан Мицкоски и министерот за култура и туризам Зоран Љутков денес ќе присуствуваат на промоција на целосната санација на Музејот на вода, наколна населба во Заливот на Коските во Охрид.
Оваа активност е дел од пошироката стратегија за поддршка на културното наследство и развој на туризмот во Охрид.
Министерот Љутков пред година дена при посетата на Музејот на вода најави реконструкција и модернизација на оштетениот систем за наводнување, повторно ставање во употреба на терасата пред музејската зграда за да може да се обезбеди пријатен престој за посетителите, санација на платформата на наколната населба и на кровните покриви од колибите, а се како што тогаш посочи во насока овој уникатен Музеј да го врати стариот сјај.
Инаку, Музејот на вода во Градиште е најпосетуван локалитет, по кој следат Самоилова тврдина и Музеј Куќата на Робевци.
Н.С.Ј.
