Во новите регистри на невработени евидентирани лица во Агенцијата за вработување на Република Македонија, се пререгистрирале вкупно 224.157 лица, од кои 98 726 се пријавиле дека активно бараат работа, а 125 431 лице со во втората категорија кои не бараат активно работа, информираа на заедничката прес-конференција, Министерот за труд и социјална политика, Диме Спасов, и неговиот претходник, Спиро Ристовски.
Според податоците на Агенцијата за вработување на Република Македонија, 28,8 отсто од регистираните невработени се неквалификувани, 17 отсто се квалификувани, 34,4 проценти се со средно образование, 16,9 со високо и 2,8 отсто со вишо образование.
Според полот на оние што активно бараат работа, 56,5 проценти се мажи, а 43,5 проценти се жени. Според возраста, до 29 години се 28 отсто од оние кои активно бараат работа, 37,7 отсто се на возраст од 30 до 49 години, а 34,3 отсто се со 50 и повеќе години.
Во категоријата кои се изјасниле дека не бараат активно работа, 57,6 отсто се мажи, а 42,4 проценти се жени. До 29 години возраст се 20,2 отсто, 47,8 отсто се на возраст од 30 до 49 години и 32 проценти се над 50 години.
Инаку, пререгистрацијата на невработените започна во декември минатата година.
OhridNews
