Претседателот на Република Македонија Ѓорге Иванов ги одликува македонските ракометари со „Медал за заслуги за Македонија“.
„Македонија ја започна годината победнички! Убеден сум дека успехот што вие го постигнавте ќе продолжи на сите полиња, не само во спортот, туку и во економијата, културата, образованието“ рече Иванов.
Рекометарите пак на претседателот му подарија дрес со неговото име и бројот седум, а капитенот на репрезентацијата Кирил Лазаров кој беше прогласен и за најдобар стрелец во историјата на европските првенства рече дека овој орден им дава поттик за поголеми резултати во иднина, но претставува и голема одговорност за нив.
„Воедно сакам да кажам дека овој орден што го добивме ние и нашето раководство не е само наш орден туку и на целата Македонија затоа што сите се заслужни за овој успех што го постигнавме“ рече Лазаров.
M.П.
