Претставата „Чекајќи го Годо” вечерва пред охридската публика

Претставата „Чекајќи го Годо” во режија на Сашо Миленковски вечерва со почеток во 20.00 часот ќе биде изведена пред охридската публика.

„Чекајќи го Годо” е едно од клучните драматуршки дела на XX век. Идејата е во бесмислата на животот која сепак е поткрепена со надеж за подобра иднина и пронаоѓање на смислата. Надеж, дека утре ќе биде подобро, дека утре можеби ќе дојде Годо.

Во претставата играат: Стрезо Стаматовски во ликот на Владимир, Никола Тодороски – Естрагон, Павел Маслов – Лаки, Филип Кипровски – Поцо, додека улогата на момчето ја игра Бојан Трајкоски.

Картите по цена од 200 денари може да се купат на билетарата при Центарот за култура.

OhridNews