Спомен обележјето за Водици кое со донација на минатогодишниот кум на манифестацијата, Ванчо Чифлиганец, ќе се постави на градското пристаниште, ќе се гради според идејното решение на велешанецот Анѓел Коруновски. Од страна на одборот за избор на спомен обележје, токму неговото идејно решение било едногласно избрано како најуспешно од вкупно четирите испратени апликации.
Спомен обележјето ќе биде изработено од бронза и ќе се постави на просторот од каде секоја година на Водици по светиот крст, во вода влегуваат капачите.Споменикот ќе биде со висина до 3,50 метри, а постаментот со висина од околу два метри.
Како што беше истакнато на денешната прес- конференција, Коруновски е автор на бројни скулптури поставени во неколку градови во земјава, а зад него се и неколку одржани самостојни изложби.
– Има навистина долг список на неговите дела и сметаме дека изборот кој го направи одоборот е вистинскиот, рече претседателот на одборот, Душко Јаковчески, кој изрази надеж дека спомен обележјето по неговото поставување ќе претставува една од најпосетените атракции во Охрид.
Т. К.
