Природната убавина и туристичкиот потенцијал на Македонија презентирани пред претставниците од Јапонската агенција за меѓународна соработка (JICA).
Како што информира директорката на Агенцијата за промоција и поддршка на туризмот (АППТ), Билјана Стефаноска, била остварена посета на Охрид, Струга, Дебрца и Вевчани – дестинации кои со својата автентичност и природно богатство се идеални примери за одржлив туризам и зелени туристички практики.
Оваа посета има за цел поттикнување на одржлив развој, поддршка на локалното население, подигање на свеста за заштита на природата и продлабочување на билатералната соработка. Очекуваме нови проекти и заеднички иницијативи кои ќе придонесат за развој на туристички дестинации во согласност со принципите на одржливост, вели Стефаноска.
OhridNews
