Високиот суд во Белград денеска го прифати договорот меѓу фолк пејачката Светлана Цеца Ражњатовиќ и обвинителството за таа да ја признае вината за илегалното присвојување пари од продажбата на 10 фудбалери ФК „Обилиќ“ и поседување 11 пиштоли без дозвола.

Со оваа спогодба таа ќе мине една година во домашен притвор и треба да плати милион ипол евра парична казна.Нејзината сестра Лидија Величковиќ, според истата спогодба, ќе мине шест месеци во домашен притвор поради помагање.


Прифатен договорот меѓу обвинителството и Цеца Ражњатовиќ

Фолк пејачката и нејзината сестра на судот се појавија седум минути пред закажаниот термин, во придружба на  обезбедувањето на Цеца.

Прифаќањето на спогодбата траело 15 минути и по завршувањето на рочиштето  Светлана Ражњатовиќ го напуштила судот избегнувајќи ги прашањата на новинарите.

OhridNews
извор: „Макфакс“