Охридските советници денес ја одржаа претпоследната седница на советот на општина Охрид во сегашниот состав. Без поголема расправа ги прифатија годишните извештаи за материјално- финансиското работење за учебната 2016/2017 година и програмите за работа во учебната 2017/2018 година на основните и средни училишта, како и музичкото училиште и охридската градинка.
Советниците ги прифатија и одлуките за имплементација на проектот „Меѓугранична соработка и интегрирани здравствени и социјални услуги за стари лица и деца и нивна рана превенција, измените и дополнувањата на програмите за одржување на јавна чистота за 2017 година, измените и дополнувањата на програмата за културни манифестации и творештво за 2017 година, развојната програма за изградба и реконструкција на локални патишта и улици 2017 – 2019 година. измените и дополнувањата на развојната програма за изградба на сообраќајна сигнализација за 2017 – 2019 година, измените и дополнувањата на развојната програма за уредување на градежно земјиште за 2017 – 2019 година, измените и дополнувањата на развојната програма за јавно осветлување 2017 – 2019 година, измените и дополнувањата на развојната програма за изградба на системи за водоснабдување 2017 – 2019 година, измените и дополнувањата на развојната програма за изградба на системи за одведување и прочистување на отпадни води 2017 – 2019 година, измените и дополнувањата на програмата за работа на Советот на општина Охрид за 2017 година,изменување и дополнување на Буџетот на единицата на локална самоуправа општина Охрид за 2017 година, за начинот на регулирање на паркирањето вон градежна парцела, за утврдување потреба од донесување урбанистичко планска документација за усогласување на намената на земјиштето на Кп.бр.2992 КО Охрид 4 и предложената одлука за покривање на долгот на ОУ „ Григор Прличев“ кон фирмата „ Моби-Петрол“ за набавка на екстра лесно масло за греење.
OhridNews
