Притвор од 30 дена му е одреден на 23-годишен државјанин на Албанија осомничен за кривично дело неовластено производство и пуштање во промет наркотични дроги, психотропни супстанции и прекурсори, против кого постапка поведе Основното јавно обвинителство Струга.
Како што соопшти државното Јавно обвинителство, осомничениот управувал патничко моторно возило со македонски регистарски ознаки во близина на струшкото село Франгово, кога бил сопрен од полициски службеници. При извршен личен претрес на осомничениот, надлежните службени лица кај осомничениот пронашле 50 грама кокаин, кој тој неовластено го држел заради продажба.
Јавен обвинител од Основното јавно обвинителство Струга до Основниот суд Струга доставил предлог на осомничениот да му биде определена мерка притвор. Судијата на претходна постапка при надлежниот суд го прифатил предлогот и на осомничениот му определи 30-дневен притвор.
Во друг случај, полициски службеници од Полициското одделение Велешта вчера во 12:30 часот на локалниот пат село Вевчани – село Октиси, струшко, врз основа на судска наредба, лишиле од слобода и привеле 42-годишен жител на Вевчани за издржување казна затвор од 11 месеци.
МВР соопшти дека тој бил спроведен во казнено-поравниот дом Теферич – Струга
OhridNews
