Поради постоење основи на сомнение за сторено казнено дело „ Насилство“ секторот за внатрешни работи поднесе кривична пријава против три лица од Охрид, на кои од страна на истражен судија им е одредена мерка притвор во траење од 30 дена. Со поднесената кривична пријава, опфатени се уште две лица од Охрид, поради казненото дело „Помагање сторител во извршено кривично дело“.
На први Мај оваа година, околу 17 часот и 30 минути во ресторантскиот дел од туристичкиот комплекс „Св.Наум“ , едно од притворенит елица најнапред вербално, а потоа и физички го нападнал 29- годишниот охриѓанец удирајќи го со тупаници по целото тело. Во еден момент, лицето употребило остар предмет со кој на нападнатиот му нанел повеќе повреди, расекотини по лицето и крвни подливи на главата. Во физичкиот напад и насилството, веднаш се приклучиле и двајцата други сега притворени, кои оштетениот го удирале со раце и нозе откако тој бил соборен и паднат на земја.
За време на насилниот акт, другите две пријавенилица не им дозволувале на гостите во ресторантскиот комплекс да му помогнат на видно повредениот охриѓанец. Тие ги попречувале и ги отргнувале гостите во намерата да го спречат насилството и да му помогнат на повреденото лице.
Откако избегале од комплексот „Св.Наум“, пријавените продолжиле со насилничкото однесување и нарушување на јавниот ред и мир на улицата „Св. Климент Охридски“ во центарот на Охрид, а во ресторант на кеј „Маршал Тито“ извршиле оштетување на дел од инвентарот.
Дел од пријавените се лица познати и осудувани сторители на повеќе казнени дела против кои и досега СВР Охрид поднесувала кривични и прекршочни пријави.
