Секторот за внатрешни работи Охрид, поднесе кривична пријава против 22- годишен охриѓанец поради постоење основи на сомнение за сторено казнено дело „Тешка телесна повреда“. Со кривичната пријава, опфатени се уште четири лица од Охрид, поради постоење основи на сомнение за сторено казнено дело „Учество во тепачка“. Од страна на истражен судија при основниот суд во Охрид одредена им е мерка притвор во траење до 30 дена.
На 6-ти овој месец, околу 3 часот , на пешачката патека кон Горица, помеѓу плажите Кадмо и Куба Либре, првопријавениот со нож му нанел повреда во стомакот на едно лице од Охрид, по што замавнал кон уште едно лице од Охрид, повредувајќи го во десната подлактица.
Претходно, во ноќниот клуб „Кадмо“ пријавените започнале расправија со двете лица, по што од обезбедувањето биле отстранети од клубот.При повторна средба помеѓу плажите, расправијата прераснала во тепачка во која биле повредени двете лица.
По настанот, пријавениот веднаш го напуштил местото.
OhridNews
