По завршената реконструкција на дрворедите на улицата „Јане Сандански“, екипите на „Паркови и зеленило“, денес, пристапија кон уредување на дел од дрворедите на булеварот „ Туристичка“.
– На потегот од новиот кружен тек до спортската сала се изврши кастрење и кроење на гранките, како и сечење на старите, суви и уништени гранки, согласно претходна проценка од стручните лица, а засадени се и 4 нови садници од видот јавор, информираат од јавното претпријатие.
Во наредните денови, акцијата продолжува и на другите делови од „Булевар Туристичка“, кои е предвидено да се уредуваат етапно.
OhridNews
