Проекција на „Мирно лето“ во Охрид по повод 50 години од снимањето на филмот

По повод 50 години од првата македонска филмска комедија „Мирно лето“ во режија на Димитрие  Османли, филмот ќе биде прикажан на „Битфест“ и на „Охридско лето“, соопшти Кинотеката на Македонија.

Филмот во петок ќе биде прикажан во галеријата Магаза во Битола, родниот град на режисерот Османли, а во сабота во Центарот за култура „Григор Прличев“ во Охрид, градот кој е тема и инспирација на филмот.

Благодарение на соработката и поддршката од Вардар филм, Фестивалот Охридско лето и Битфест  со ова одбележување на 50 годишниот јубилеј на филмот Мирно лето, Кинотеката на Македонија ја продолжува својата улога на заштита и презентација на македонското филмско културно наследство и негово доближување до публиката, односно трајните вредности на првата македонска филмска комедија да се пласираат на помладите, а постарите да се потсетат на неа, соопшти Кинотеката на Македонија.