Собраниската комисија за здравство, уште денеска ќе расправа за законот за медицински студии, откако вчера Министерот за здравство Никола Тодоров имаше дебата со дел од професорите на медицинскиот факултет.
Иако без никаква дискусија, законот доби потврда од владеачкото мнозинство во собранието. Професорите изразија незадоволство, бидејќи за законот се дебатирало во ист ден кога поминало првото читање во парламентот. Дел од нив, ја напуштија расправата, истакнувајќи дека законот ќе предизвика сериозни финансиски трошоци.
Според ресорниот министер, со овој европски закон ќе се изедначи квалитетот на студии на трите медицински факултети.
Инаку, преку него на министерот ќе му се овозможи пропишување на условите за начинот на стекнување практични вештини, кои се неопходни за едно лице да се стекне со титулата доктор по медицина.
OhridNews
